TRAGJEDIA E FAMILJES ZYMBERI

Demir KRASNIQI

TRAGJEDIA E FAMILJES ZYMBERI  

 

Më 24 Maj ,

Të  vitit 2001 –

Në  Sllupçan , pa faj ,

Ndodhi  tragjedi !

 

Nga  këto  sulme  tmerri ,

Të  armikut  gjakatarë –

Familja Zymberi ,

Humbi 10 anëtarë !

 

U tmerrua Sllupçani ,

Shkupi , Kumanova ,

Presheva , Llojani ,

Shqipëria e Kosova !…

 

N’ këtë botë cep me cep ,

S’ ka rast si t’ Sllupçanit –

Vrasin  fëmijët  në  djep ,

Kasapët e Ballkanit !…

 

24 Maji ,

Ishte ditë e zisë –

Predha pa pikë faji ,

Ra n’ bodrum t’ shtëpisë !

 

Seç na u dridh katundi ,

Nga vaji dhe tmerri –

10 anëtarë i humbi

Familja Zymberi !

 

Predha  prej  armiku ,

N’ bodrum të  shtëpisë –

Jetën ua fiku

Hysnisë dhe Selvisë !…

 

Gjakatarët  sulmuan

Me luftë të  mjerimit –

Jetën ua shuan

Mersimit dhe Fitimit !…

 

Nga bishat e egra ,

Që sulmonin nga malet –

Atë ditë iu shua jeta

Jonuzit dhe Neales !…

Bishat  shuanin etjen  ,

Sulmonin prej çdo anës –

Atë ditë ia shuan jetën

Suzanës dhe Nerimanës !…

 

Kasapët e  bënë t’ vetën

Me sulme të  mizores –

Atë ditë ia shuan  jetën

Valbonës dhe Fitores !…

 

Kjo rënie  e dhimbshme ,

Po aq madhështore –

Historinë e ndritshme

Ka lëvizur prore !

 

Për Familjen  Zymberi ,

Ndjeu gjithë shqiptaria –

U pa çka është tmerri ,

Sa e shtrenjtë është liria !

 

Liria dhe nderi ,

Mbrohen cep me cep –

Që nga  më i  vjetri ,

Deri te fëmija n’ djep !…

 

Familja Zymberi ,

Qofshin faqebardhë –

Ra në mbrojtje nderi ,

Për ideal  kombëtarë !

 

Kjo  familje  ndritshëm

Me vepra t’ lavdisë –

Do zë vend t’ rëndësishëm

N’ faqe t’ historisë !

 

Shkojmë n’ përkujtimore ,

N’ varrezat e Sllupçanit –

Bëjmë homazhe prore ,

Për dëshmorët e idealit !

 

Gjilan, më 24.05.2017.         Demir KRASNIQI