Sonte

Sonte

sonte më duhet dikush
sonte më mungon dikush
sonte më bezdis dikush
sonte më frymëzon dikush

sonte
si në përrallë më vjen malli
për kohën e largët
që u mbyt përfundimisht
në detin tonë të kaltër

sonte
valët e detit janë trazuar
nga pamundësia e kthimit
mbi retë e bardha shaluar
në fundin e stinës së dimrit
me huqe lazdruar

sonte
unë dhe deti po gjëmojmë
valët në kacafytje
në shenjë xhelozie
namin po bëjnë
sonte
ne të dy
njeri-tjetrit po i mungojmë
sonte

06-06-2021
Mehmet Bislimi