SHPËTIM NGA MALLKIMI

SHPËTIM NGA MALLKIMI
( në sa po fillim të fushatës- gëzuar!)

Mehmet Bislimi


Partitë

e djathtë
e majtë
e qendrës

u përligj kjo lojë
përmes përkatësisë partiake
identifikohemi
në fytyrë e surrat
me shterpësinë e gjatë
krye-parët morën ethet
në lojën e gjatë
dikush vjen
ikën dikush
njëri shportën thatë
tjetri shportën plotë
me premtime

premtime premtime…

Silikoni

bastardët e menduan
t’ia venin silikonin në gji
Kosovës nënë
që të mos i zë mallkimi
i saj në zemërim

haram ju qoftë silikoni
i gjinjve të mi!…

bastardët shpëtuan
slikonin zbuluan
në kurriz të atdheut
gërmuan
tani
pa frikë nga mallkimi
i gjirit shterpë me silikon
të Kosovës nënë

elektorati e hanë
me silokon!  

Karriget

si orendi në Parlament
karrige shumëngjyrëshe vunë
të zbrazin vrerin kundër njeri-tjetrit
deputetë

në karrige të parin vunë
me legen në duar
për të mbajtur radhën e zbrazjes
respektoni radhën tani
ju vrerëzi
ngacmuesi i vrerit ju fton

Kodoshët

para brekusheve të kuqe
të një të përdale në kalim
përkulën ata
si para flamurit të lirisë
dhe…
jemi burra
thonë
alibi e burrërisë
prej kohësh katandisë
e në baltë rënë
alibi
burrë për të qenë

Kopshtarët e atdheut

kopshte me fjalë ndërtuan
pallate mbi shtatin e atdheut
ulur këmbëkryq mbi postaqinë e iriqit
burrat e politikës
për hir të elektoratit
prapanicën po sakrifikojnë

qëndron e patundur
bythë e larë në gjak
me postaqinë e iriqit
urojmë
elektorati të merr hak

ati ynë pat thënë
të ngrohet hamami me pordhë
o burra
të pastrohemi se u bëmë horr

Koalicioni

që kur bota mban mend
ujku me qengjin
pula me dhelprën
miqësi nuk kanë zënë

atëherë
mbi kë do të bjerë rrufeja
o arkitektë të dredhive të liga
ju nuk jeni
Pasha Sinan
që finesat e arkitekturës
fshehur mbanë

fantazi perfide e dredharakëve
me foshnjen e pafajshme në gji
mashtruesit
këtë vit
bënë në prapahije kumbaritë
thellë në gjoks fshehur
fshehur pabesitë

Pluralizmi

sistemi shumëpartiak
ta mat e s‘ta jap
një bythë karrige

jargët për t’i llapë

në dëshpërim
ai klithi
lavire politikë

shfryrje e gabuar
folklorizëm prapanik
shfryj po deshe tani
shfryj prapë
lavire politikë
ta mat e s’ta jap

tetor, 2020
Mehmet Bislimi