Shkëlzenit

Poezi nga Mehmet Bislimi

Shkëlzenit
(me rastin e përvjetorit)

qeleshe dëbore majave të Shkëlzenit
qeleshe të bardha
më të bardha së bora
kolonë zanoresh
renditur në himnin e Asdrenit
ulur së bashku me Luanin
në tokën arbërore
në krye të vendit
Shkëlzen

gjaku i lirisë rridhte si krua
zana e malit thoshte me vete
askënd më shumë
se Shkëlzenin nuk dua
veç lirinë e atdheut
që ai
ma fali edhe mua

Shkëlzen
më shumë se dje
sot po shkëlqen
i madh ishe
më i madh je sot
gjithandej tokave shqiptare
si rreze dielli
po shkëlqen
Shkëlzen

16-04-2021
Mehmet Bislimi