PERËNDI POEZIE

NEBI DRAGOTI

PERËNDI POEZIE

Perëndi u bëftë poezia e poetëve!…

Poetë, ju arkitektë të mentaliteteve të reja

mbane mprehur lapsin

që mielli i artit ushqim cilësor të jetë,

e, këtë miell buke mos t,ua marri era!…

 

Për njerëzit,

për njerëzit

poezinë perëndi e desha.

 

REPUBLIKË LAJMESH

Gazetat, gazetat, gazetat

po të njëjtat lajme llapin;

kompensohen ish pronarët…

 

Mediat, mediat, mediat

mbushin përplot ekranet:

për mirëqënie sihariq japin.

 

Çdo ditë, çdo ditë, çdo ditë

e bëjnë të kryer Vettingun

të pastruar drejtësi e politikë.

 

Vlon lajmi në kup të qiellit;

hapen, nuk hapen negociatat.

Çmenden mediat, çmenden gazetat.

 

Ne Republikë lajmesh u bëmë;

vetëm lajm, lajm në eter,

jo grurë, po gurë në lëmë…

 

Republikë lajmesh u bëmë ne

dhe me politikën lesh arapi

pa punuar shkojmë në BE.

 

BUKURI DHE MORAL

Me makiash fytyrën ka zbukuruar,

hëëë, fallso duket femër delikate,

se ç’është bukuria se ka kuptuyar,

me sy e mendje tjetër e shohin në lagje…

 

Në lagje e shohin siç është në të vërtetë,

se morali ia ka vënë vulën sakt:

s’ka bukuri pa moralin e shenjtë,

moral dhe bukuri rrojnë bashkë…

 

Bukuria është e shëmtuar pa moral,

ç’e do bukurinë, kur morali njolloset.

Jetën njerëzore morali e mban gjallë

dhe mendja; bukuria që nuk soset…