Filozofi
     dhe
letërsi

__histori kombëtare, vështrime, debat__

Ballina

Letërsi

Filozofi

Histori

Opinione

Intervista

Citate

Kritikë

 

Opinione 1 2 3 4 5

Majlinda Nana Rama: Libri shqip duhet ndihmuar!

InfoFilolet

 

2015

Opinion
C:\Users\r\Desktop\Majlinda Nana Rama.png

Majlinda Nana Rama


 

Një tjetër sukses i garantuar i shkrimtares, studiueses dhe publicistes Majlinda Nana Rama u shënua në turneun e promovimeve në Europë. Për më shumë se një muaj krijimtaria e autores do të shkonte tek lexuesi në Shkup, Budapest, Zvicër, Francë, Belgjikë, Holandë, Gjermani, Austri  e Kosovë. Entuziazmi më shume se sa shkrimtaren Rama, duket se ka prekur të gjithë bashkatdhetarët që jetojnë në këto shtete, ndërsa e veçanta ka qenë, që, në shumë promovime kanë marrë pjesë edhe shtetas të huaj, të cilët kanë shfaqur interes për krijimtarinë e autores, që  tanimë i ka thyer kufijtë kombëtar, duke u bërë ambasadore e letërsisë shqipe në mbarë botën.
 

Me një modesti të dukshme, vetë autorja është shprehur se dëshira e saj ka qenë që libri shqip të mbërrij tek çdo lexues shqiptar, kudo ku ai ndodhet.
 

“Libri shqip duhet ndihmuar që të shkojë tek çdo lexues. Në kushtet e një mungese komunikimi të librit me lexuesin, ky i fundit mbetet i painformuar rreth produksioneve më të fundit letrare. Unë s’kam bërë asgjë tjetër, veçse kam dashur t’i takoj nga afër të gjithë ata, që,  në postën time, kanë nisur letra, ku shfaqnin dëshirën për ta pasur librin. Kam përjetuar kënaqësi të veçanta, të cilat njeriu i merr rrallë. Ndihem e plotësuar në këtë drejtim dhe ndihem, po ashtu, me fat që rreth vetes kam pasur përherë njerëzit e duhur, ata që e duan dhe e çmojnë librin shqip, e duan dhe e çmojnë krijimtarinë time’’, ka thënë midis të tjerash autorja në një intervistë.
 

Përsa i përket librit më të fundit studimor, i cili ishte edhe arsyeja e lëvizjes në këtë gjeografi promovimesh, redaktori i librit, akademiku Ali Aliu, ka thënë se e njihte krijimtarinë e autores në prozë e poezi, por kur ka lexuar studimet e saj, është befasuar.
 

‘’Majlindën e njoha për herë të parë në Panairin e Librit në Fier, ku ajo ishte vetë organizatore e drejtuese. Aty mora edhe romanin e saj ‘’Perandorët’’, të cilin kur e lexova, kuptova se nuk kisha të bëja vetëm me një organizatore të mirë, por edhe me një romanciere shumë të mirë dhe më së tepërmi të guximshme. Kjo më bëri që t’i kërkoja Majlindës krijime të tjera, në poezi dhe prozë dhe të gjitha këto lexime më sollën të qartë Majlindën si krijuese, shumë e re në moshë, por me nje talent të rrallë. Më pas, dorëshkrimi i saj me studime e kritika, më befasoi për mirë dhe sinqerisht e parashoh të ardhmen letrare të kësaj autoreje. Një krijuese që gjendet mirë në të gjitha gjinitë. Për këta krijues ka nevojë letërsia shqipe’’, - ka thënë Aliu gjatë promovimit në Prishtinë dhe Shkup.
 

Por krijimtarinë e Majlindës e kanë çmuar lart edhe të tjerë studiues, kritikë letrare e akademikë, të cilët duket se kanë bërë zbulim në letërsi. Në një shkrim të publikuar në rrjetet sociale, studiuesi, Prof Agim Vinca i ëshët drejtuar autores, duke i thënë se Majlinda është e pandaluar.
 

‘’Majlinda, më pëlqeu shumë interpretimi i ‘’Findlej’’-it të Bërnsit. Edhe shkrimi për mikun tim, studiuesin serioz, që i ka të rrallë shokët, Jorgo Bulon. Më pëlqeu libri në përgjithësi, me ndonjë përjashtim. Je e paparë dhe e pandalur! Urime nga Agim Vinca’’, i ka shkruar Vinca studiueses së re të letërsisë.
 

Por, për autoren, që bëri bujë të menjëhershme, sidomos me dy librat e saj të fundit, janë shprehur edhe personazhe të tjerë të jetës letrare, sic janë Klara Kodra, Nasho Jorgaqi, Jorgo Bulo, Behar Gjoka, Adem Xheladini, Hysni Ndreu, Hasan Qyqalla, Mirvete Dreshaj, Mevlyde Saraci, Ndue Lazri e shumë e shumë të tjerë, shkrime të cilat kanë qenë jashtëzakonisht të shumta, po të shohësh që janë bërë një kohë vetëm 6 mujore të krijimtarisë së fundit.  

 

 

 

Filozofi
 
dhe
letërsi

histori
tradita
vështrime
debat

citate
intervista
letra hapura
botime reja
 
 
 
 

Filozofi
         dhe letërsi

|Citate dhe proverba| |Citate sipas autorëve| |"Xhevahire" nga Reis Mirdita|

Altruizmi-Egoizmi Dashuria Edukata Gruaja Mali Natyra Qesëndi
Arsimimi Dashuria (II) Ëndërrat Humori Mëdyshja Ndryshimi Rrena
Art-Dhunti Dashuria (III) Fëmijët Imagjinata Miqësia Nga-fëmijët Skamja
Besimi Dashuria (IV) Filozofia Inteligjenca Mosha Nga-Vizitorët Vetitë
  Dituria Fjalëbutësia Jeta Motivimi Optimizmi Vjedhja
  Drejtësia Frymëzimi Lakmia Muzika Paqa Xhelozia
      Lotët   Paragjykimi Të-pandara
      Lumturia      
____histori kombëtare, vështrime, debat, politikë, letra të hapura____ © Të gjitha të drejtat e rezervuara.
Copyright © 2007 [ http:// www. filolet.com ] Tous droits réservés.
Révision : 28 nov. 2012 14:06:32 +0100 .