KULLA E JASHARËVE – “MEKA” E SHQIPTARËVE

            Teksti, muzika dhe interpretimi : Demir Krasniqi

 

Hej, mora rrugë drejt legjendarit –

Në Prekaz t’ Adem Jasharit !

Ku është Kulla e Jasharëve –

Aty është “Meka” e shqiptarëve !

Refreni:

Kulla e Jasharëve – “Meka” e shqiptarëve !

Mejdan i flijimit – arenë e çlirimit !

Djep i sakrificës – fortesë e Drenicës !

Gurë themel lirie – faqe historie !

 

Hej, para varreve të përulemi –

T’ gjithë dëshmorëve t’ iu përkulemi !

Si shqiptarë të Ilirisë –

Para gjakut të lavdisë !

Refreni:

Kulla e Jasharëve – “Meka” e shqiptarëve …etj.

 

Hej, rrofsh Drenicë – Kala kreshnike ,

Flakë e zjarreve historike !

Kurrë s’u tunde , kurrë s’u lëkunde –

Robërive ju dhe funde !

Refreni:

Kulla e Jasharëve – “Meka” e shqiptarëve …etj.

 

*****Demir KRASNIQI: “KRENARIA E GOLLAKUT” – Gjilan, 2008, faqe 23.