INFRASTRUKTURË POETIKE

NEBI DRAGOTI

INFRASTRUKTURË POETIKE

Për infrastrukturë poetike

qofsha poeti inxhinier:

jo për monopate,

jo për dhiare rrëpirash nëpër male…

 

Më duhet infrastrukturë politike

dhe infrastrukturë me lëndë sociale

të lëvizin të gjithë sa më bukur,

sa më lirë.

 

Nëpër metafora krahëhapur

për ju lexuesët e mi

vras mendjen mbi projekte (…)

Lodhem, gjumi nuk më ze

dhe …prore

për juve zgjuar unë rri.

 

HAIQE ME KRIPË KRITIKE

***

Tre hunjë,

një purtekë (…)

thurke një vjershë?!

***

Ka shumë vrima…

poet, lozke

fyellin me një vrimë…

***

Bobo, monotoni,

një tematikë rrok…

Tharje burimi…

***

Laraskat në degë,

poeti nën hije

thur melodi laraskash.

***

Bretkosat në pellg

përqeshin

poetin pa talent…

***

-Merr frymë thellë!

– tha kritiku,

-patollogji poetike…