HAJRUSH ZIBERI – SHQIPTARI QË TMERROI BOTËN

HAJRUSH ZIBERI – SHQIPTARI QË TMERROI BOTËN

Malli m’ djeg si flaka e prushit –
T’ ia këndoj një këngë Hajrushit !
Me lot n’ sy këtë këngë të tmerrit –
Ia këndoj Hajrush Ziberit !

Nga Laskarca , afër Shkupit –
Flakë e zjarr po m’ dridhen trupit !
Gjëmat e tij e dridhen tokën ,
Fotot e tij e tmerruan botën !

Si i ri e lëshoi vendlindjen –
Për ta mbajt me bukë familjen !
Për t’i sjellë familjes bukë –
Punë nuk gjeti askund në Shkup !

Shkoi në Bosnjë e Hercegovinë –
Gjeti punë në Bijelinë !
Ishte i ri , djalë kavalier –
Zu t’ punonte si kamerier !

N’ Bosnjë , n’ vitin ‘91 –
Kapet nga kriminelët serbë të zi !
Hajrush Ziberi me lot në sy –
Lutej për jetën e tij !

Barbarisht , ai torturohet –
Mbarë Bijelina , prej tij tmerrohet !
Nga bishat e serbijanit –
Vritet nga “Tigrat e Arkanit” !

Amerikani Ron Havivi –
Me këto foto , botën e dridhi !
Tregoi botës se çka është tmerri –
Si u vra Hajrush Ziberi !

Fotot e krimit n’ Bijelinë t’ Bosnjës –
I tronditën popujt e botës !
Si u masakrua Hajrush Ziberi –
Popujt e mbarë i kaploi tmerri !

Si u vra biri i shqiptarisë –
Që kishte ardhë prej Maqedonisë !
Që jetonte n’ qytet t’ Bijelinës –
T’ Bosnjës dhe Herceovinës !

Këtë bir t’ shqipes së Ballkanit –
E vranë “Tigrat e Arkanit” !
Këtë bir t’ nënës shqiptare –
E vranë n’ moshën 24 vjeçare !

Hajrushin , që e shpuan plumbat trupit –
Ishte nga fshati Laskarcë e Shkupit !
Djalë punëtor , punonte fer –
N’ Bijelinë , si kamerier !

Për këto krime në Bijelinë –
Fotografitë bënë historinë !
Në mbarë botën janë publikuar –
Të vërtetën e kanë dëshmuar !

Kur u vra Hajrushi i ri ,
U vranë edhe dy miqtë e tij –
Abdurrahimi dhe Bejtullahu ,
Kasapët serbë i vraftë Allahu !

Tre muaj para se të vritej –
Me suksese gjithnjë rritej !
Hajrushi ishte martuar me Hikmetën –
Që shpresonte ta gëzonte jetën !

Atë ditë t’ kobshme në mëngjes –
Ishte nisë n’ punë për sukses !
Mirëpo , n’ rrugë vrasja e priti –
N’ vend të punës nuk arriti !

Më 4 Maj ‘92 –
Dëshmitarët e panë me sy !
Kriminelët që e kishin mbytë –
N’ lumin Savë e kishin qitë !

U përcoll me dhimbje n’ zemër ,
U varros si person pa emër ,
E varrosën në një ven –
N’ varr ia shkruan : “Person N. N.!”

Me ADN kanë verifikua –
Në Visoko është identifikua !
Sollën eshtrat prej Bijeline –
I varrosën në vendlindje !

Më 19 Shtator 2004 –
Vaj e lot u derdhën n’ vatër !
Në Laskarcë , në atë fshat nderi –
U varros Hajrush Ziberi !

Gjilan, më 08.02.2018. Demir KRASNIQI