HAFIZ ALI KORÇA ( 05.04.1873 – 31.12.1956 )
HAFIZ ALI KORÇA
( 05.04.1873 – 31.12.1956 )
Teksti dhe muzika : Demir Krasniqi
Janë mbledhur së bashku shokë edhe shoqe –
Ta kujtojnë një djalë të lindur prej Korçe !
Këndojnë këngë të bukura bashkë me çiftelia –
Atdhetar , korçarin trim Hafiz Alia !
Hafiz Ali Korça ishte shërbestar ,
Me dashuri t’ madhe ishte atdhetar !
Kishte idealin e pastër kombëtar –
Gjithnjë në shërbim të popullit shqiptar !
Hafiz Ali Korça e deshi Shqipërinë –
Me mish e me shpirt vazhdoi veprimtarinë !
Ishte shëmbëlltyrë ndër shumë atdhetarë –
Në Dibër e mbajtën Kongresin Shqiptar !…
Më 23 Korrik 1909 ,
Përfaqësues të popullit u mblodhën nga çdo anë !
Në Dibër e mbajtën Kongresin Shqiptarë
Përfaqësues të shquar , trima , atdhetarë :
Dervish Hima , Fehmi Bej Zavalani ,
Sotir Peci , Aqif Pashë Elbasani ,
Mehmet Efendiu , Abdyl Bej Ypi ,
Myderrizi nga Tetova , Ferid Bej Ypi …
N’ Kongresin e Dibrës , fjalën kryesore –
Hafiz Ali Korça e kishte mbajt prore !
Fjala e tij kishte rëndësi historike ,
Arsimore , kulturore , politike !…
Hafiz Ali Korça me zemër kreshnike –
Guximshëm përkrahte gjithë Shqipërinë Etnike !
Ndër përkrahësit kryesor me ide fisnike –
Për jetësim të Alfabetit të gjuhës shqipe ! …
Më datë 14 Nëntor 1908 ,
Hyri n’ histori një ngjarje e vërtetë !
Kongresi i Manastirit hyri në histori ,
Bashkë me te shënohet edhe emri i tij !…
Hafiz Ali Korça ishte atdhetarë ,
Që i vuri themelet Arsimit Kombëtar !…
Përkrahu fuqishëm Kongresin e Elbasanit ,
Më datë 2 Shtator të 1909 –shit !
N’ qeverinë e parë , pas Shpalljes s’ Pavarësisë ,
Më 28 Nëntor 1912 , mbi troje t’ Shqipërisë –
Ismail Qemal Vlora e thirr n’ qeveri t’ vet ,
Me qëllim që t’ jetë sa më i fortë si shtet !
Në atë qeveri ,që nuk i gjendej shoqja –
Seç kishte punuar Hafiz Ali Korça !
Te Shahin Bej Dino , që ishte i parë –
N’ ministri t’ arsimit punoi si këshilltarë !
N’ vitin 1916 , ai Hafiz Aliu ,
U emërua Drejtor , që Arsimit i priu –
Për Durrës , Elbasan , Dibër e Tiranë ,
Mat , Pogradec , Shqipëri t’ Mesme n’ çdo anë !
Por , Hafiz Aliu , besimtarë i Korçës ,
Në Këshillin e Lartë të Sheriatit t’ Shkodrës –
Ka qenë Kryemifti për fenë myslimane ,
Që i kishin lakmi banorët e kësaj ane !
N’ Shkodër u emërua edhe si anëtarë
I Komisionit Gjuhësorë Letrarë –
Ku me te vepronin edhe At Gjergj Fishta ,
Të lidhur mes veti të gjithë gisht për gishta !
Luigj Gurakuqi e Salih Nivica ,
Mati Logoreci , bashkërisht pa spica !…
Vepruan me përkushtim , n’ fushën e gjuhësisë ,
Vetëm për të mirën e gjithë Shqipërisë !
Në vitet 1918 – 1924 ,
Hafiz Ali Korça ishte zgjedhë me hatër –
Kryetar i Këshillit të Lartë të Sheriatit ,
Vetëm për drejtësi t’i shërbejë vatanit !
Në vitin 1925 ,
Hafiz Aliu botoi veprën për t’ pa besë :
“Bolshevizma çkatrrim i njerëzimit “-
Bolshevikët e burgosën , iu shtrua internimit !…
Hafiz Ali Korça , në disa lami –
Ka kontribuar shumë për nënën Shqipëri !
Shquhet veprimtaria në publicistikë ,
Gjuhësi , letërsi dhe islamistikë !…
Përveç këtyre veprave që i ka botua
Dhe në gjuhën shqipe që i ka shkrua ;
Hafiz Ali Korça ka shkrua e botua –
Edhe n’ gjuhët tjera , që shumë ka punua !
Edhe n’ gjuhët tjera , ai nuk ka pushua –
Punime e studime t’ gjitha i ka botua :
Turqisht , arabisht , persisht , nuk pushonte fare ,
Për ndërkombëtarizimin e çështjes shqiptare !
Ishte i paepur , luftëtar për liri –
Kur kishte shqiptarë , por s’ kishte Shqipëri !
Qe poet , përkthyes , shkrimtar e letrar,
Mësues , hartues , profesor , pedagog , atdhetar ! …
Më 31 Dhjetor 1956 ,
Ndërroi jetë në Kavajë , që shumë e ka dashtë !
Hafiz Ali Korça , ndërroi jetë në mjerim –
Veprat e tij rrojnë n’ frymëzim e gjallërim !
Gjilan, më 29. 09. 2018. Demir KRASNIQI
