Dren Caka nga Gjakova

Dren Caka nga Gjakova

  • Teksti , muzika dhe interpretimi : Demir Krasniqi –

 

Këtë këngë që e kam shkruar dhe që e këndova –

Le ta dëgjojë Shqipëria edhe mbarë Kosova !

Çfarë masakre përjetoi , ai Dren Caka nga Gjakova –

Edhe unë kur e kuptova  – fund e krye u trishtova !

 

Ai Dren Caka ishte  i vogël , djalë  në moshën 10 vjeçare –

Me sy t’ vet , ai  e pa vdekjen e 21 familjarëve !

Me sy  t’ vet , ai e pa vdekjen , në masakrën e Gjakovës –

Çka s’ janë parë  kurrë këso kiametesh  në rruzullin e  mbarë botës !

 

Dren Caka  i mbijetuar , i vetmi fëmijë i shpëtuar –

Nga masakra e forcave serbe që  ishte  organizuar !

Gjatë natës 1 dhe 2 Prillit  1999 –

Në Gjakovë , n’ shtëpinë e tij –  nëntëmbëdhjetë gra e fëmijë u vranë !

 

N’ atë masakër  shumë viktima   pleq edhe  të  rinj  ranë –

Nëntëmbëdhjetë gra  edhe fëmijë  gjatë dy netëve aty  u vranë !

Dreni ishte dhjetë vjeçar  në ato  kohë  të pa para –

Motrat  2, 6 , 14 vjeçe , të tria  mbeten të vrara !

 

Dreni  kishte mbijetuar  pas  kufomave  duke u fshehur –

Mbrapa trupit të një gruaje , që nga plumbat kishte  vdekur  !

Dren Caka ç’ kish përjetuar ,  i vetmi djalë i gjallë i babës –

Për  masakër  kish  dëshmuar  në Tribunalin e Hagës !

 

Dreni iu  kishte treguar se kishte qenë i ri  fëmijë –

Ishte fshehë  në një bodrum me nënë  dhe tri motra t’ tij !

Janë  bashkuar me familje  tjera , kryesisht me  gra  e fëmijë ,

Kurse burrat kanë bërë roje nëpër  kulme  mbi  shtëpi !

 

Burrat që po bënin roje nëpër kulmet e  shtëpisë ,

Besonin  serbët  e kësaj roje , n’ pjesë t’ Gjakovës ishin nisë :

“Po kërkonin vetëm burra  që do t’ ishin zot shtëpie –

Nuk do t’ sulmonin pafajshëm gratë e mjera , as  fëmijët !“

 

Rreth orës 2 të mëngjesit , nëna e Drenit kish  dëgjuar –

Disa policë  duke ardhur në  shtëpi  për t’i  rrethuar !

Derën e bodrumit e kishin thyer –  gra e fëmijë kishin kërkuar ,

N’ gjuhën serbe dhe shqiptare , ata kanë  komunikuar !

 

Ata policë  po   ushqeheshin nga torturat dhe  zullumi –

Gratë edhe fëmijët shqiptarë  i kishin nxjerrë nga bodrumi !

Disa  sish kishin shpëtuar nga bodrumi i shtëpisë –

Dreni me motrat dhe nënën , kishin mbet  n’ rojë t’ policisë !

 

Pesëmbëdhjetë vjeçarja  Flaka –  viktima e parë e  masakrës  armike –

Ishte vrarë nga agresori serb , me një plumb t’ një pushke automatike !

Ajo ishte vajza e Hani Hoxhës , që babai kishte shumë hatër –

Babai i saj kishte dëshmuar lidhur me këtë masakër !

 

Armiku gjakpirës  po vriste njerëzit  shqiptarë hiq pa faj ,

Flaka Hoxha  ishte vrarë duke përgatitur  çaj !

Pas sajë  ishte ekzekutuar  mizorisht  nëna e sajë ,

T’ gjithë njerëzit që kanë qëlluar  n’ dhomë me Flakën , bijën  e sajë !

 

Në ndërkohë  policët serbë , kishin djegur dhe  shtëpinë –

Ku kishin qenë duke ndejë gratë  së bashku me fëmijët !

Nga çdo anë shtëpia e shkretë , filloi të mbushej me tym –

Përmbi familjen shqiptare , ku serbët po bënin  krim !

 

Dren Caka kishte dëgjuar  motrën dyvjeçare me britmë  dhe vajë –

Të bllokuar nën trupin e vdekur përskaj  të  nënës së sajë !

Por , vëllai  nuk kishte mundur ta ndihmonte pa kursyer –

Edhe Dreni ishte qëlluar , ai kishte krahun e thyer !

 

Drenit  nga dhoma në dhomë , vendi – vend nuk po iu  zënte ,

Mendonte  se  ishte i vdekur në çdo hap që  po e bënte !

Dreni në fund ishte hedhur nga dritarja e shtëpisë së fqinjit –

Ku kanë qenë duke qëndruar , ishte nisë  drejt shtëpisë së tij !

 

Derisa  Dreni po ikte nga shtëpia nëpër  zjarr –

Dren Cakën e rrezikuar  tre policë  e kishin parë !

Ata ishin duke qëndruar  para shtëpisë si n’ pasqyrë –

Ishin duke pirë duhan me një shprehje t’ ftohtë n’ fytyrë !

 

Dren Caka n’ shtëpinë e tij , kishte parë tezën e tretur –

Kërkoi  ndihmë, duke bërtitur se “të gjithë ishin vdekur”!

Kishte thënë se e ka parë  ëndërr të keqe  dhe  të  tmerrosur ,

Mirëpo tezja i kish  besuar , kur pa  Drenin  të plagosur !

 

Pas kësaj masakre tmerri , Dreni kishte shkuar n’ Shqipëri –

Si refugjat shkoi  së bashku me të afërmit tjerë të tij ,

Të cilët masakrës së 1 dhe 2 Prillit  i kishin mbijetuar

Edhe vdekjes së sigurt , ata i kishin shpëtuar !

 

Mirëpo ,  babai i Drenit , së bashku me të s’kishte shkuar –

Ai kishte mbetur n’ Gjakovë dhe aty kishte qëndruar !

Ndërsa  Dreni  kish  qëndruar për pesë muaj në Shqipëri –

Derisa ai  ishte ngopur mirë me frymëmarrje n’ liri !

 

Dëshmitari kish  dëshmuar në një anglishte të rrjedhshme –

Ndonëse u rrit  larg nga Kosova dhe Gjakova aq e ndjeshme !

Dreni n’ Hagë  kishte dëshmuar gjithsejtë  dy herë para  gjyqit –

Ishte dëshmitar i mbrojtur  kundër Sllobodan Millosheviqit !

 

N’ Vankuver të Kanadasë , Dreni është duke jetuar –

Bashkë  me babanë  Ali Cakën , ku  edhe është i punësuar !

Babai  sërish  është martuar , ka një djalë  t’ quajtur Denis –

Dreni ka bërë tatuazh n’ krahun e tij emrin  Denis !

 

Gjilan, më 15.06.2020 v.      Demir KRASNIQI