Dita e Mësuesit

Dita e Mësuesit   

  • Teksti, muzika dhe interpretimi : Demir Krasniqi –

 

Nëna edhe baba janë figura t’ shenjta ,

Motra edhe vëllai janë figura t’ shtrenjta !

Sot është Dita e Mësuesit – festa e vërtetë ,

Mësuesi është më i dashur – i paharruar për jetë !

 

Dita e Mësuesit është festë shoqërore ,

Por, më mirë do t’ ishte t’ shpallej Festë Shtetërore !

Mësuesi është person me vlera t’ mëdha njerëzore ,

Person me rëndësi vetjake dhe shoqërore !…

 

Puna e Mësuesit është punë e krijuesit ,

Është punë e gjithanshme me mjeshtri t’ ndërtuesit !

Është një punë e mjeshtrit  dhe e  dijetarit ,

Punë e shëmbëlltyrës dhe e atdhetarit !

 

Mësuesin në çdo kohë mund ta quajmë krijues ,

Shëmbëllen dinjitetshëm , vlerësues  dhe studiues !

Krijues i gjithanshëm , krijues shëmbëlltyre –

Për shumëçka n’ këtë jetë dallon shumë prej tyre !

 

Mësuesi gjatë tërë jetës punon me dëshirë ,

Merret me krijimin e njeriut të mirë !

Krijon njeri fisnik , njeri të virtytshëm ,

Krijon njeri besnik dhe njeri të frytshëm !

 

Mësuesi gjatë gjithë jetës krijon vepra t’ ndershme ,

Çdo vepër e tij i del e suksesshme !

Piktorët , skulptorët , kompozitorët, shkrimtarët ,

Regjisorët , aktorët , krijojnë personazhe imagjinare !

 

Kurse Mësuesi krijon njeriun e gjallë ,

Që plotëson kuptimin e njeriut me fjalë !

Mësuesi i gjithanshëm krijon dijetarin ,

Me ideal të pastër e krijon atdhetarin !

 

Vetëdija atdhetare e të rinjve e fëmijës –

Janë vlera të arta të shtetit dhe familjes !

Mësuesi na e mëson për fjalën Atdhe –

Kuptimin dhe vlerën që e ka për ne !

 

Mësuesi na mëson ta duam Atdheun fizik ,

Atdheun shpirtëror ta mbrojmë nga çdo rrezik !

Na mëson për Atdheun dhe për bukuritë ,

Na mëson për Atdheun dhe për pasuritë !…

 

Mësuesi na mëson këngët dhe vajet e tij ,

Për të shkuarën , të sotmen , trimat për liri ,

Krijues i gjithanshëm , me ditarin , arsimtarin –

E krijon njeriun , krijon qytetarin !…

 

Nuk ka kushtetutë , ligje , institucione ,

Udhëheqës politik , jo as funksione

Shtetërore , shkencore edhe kulturore –

Që luajnë rol aq t’ madh n’ strukturat shoqërore !

 

Në formim të edukatës së qytetarit t’ ardhshëm –

Mësuesi angazhohet me punë të hatashëm !

Me fuqi magjike , me fuqi madhështore –

Sa luan Mësuesi prore me edukatë shkollore !

 

Prej fjalëve të tij , prej punës së tij –

Na e mësojmë kuptimin e fjalës : Liri !

Mësojmë  ç’ është e drejta , e bukura , vërteta ,

Mësojmë çka është e ëmbla , e hidhura dhe jeta !

 

Mësuesi na mëson të tjerët si t’i  nderojmë –

Pavarësisht çfarë ngjyre , a kombësie posedojnë !

Në çfarë gjuhe flasin , n’ çfarë feje besojnë –

Na mëson si t’ kërkojmë që të na nderojnë !

 

Mësuesi , ky krijues që nuk e do dhunën –

Na mëson si dhe pse do ta duamë punën ?!

Ai na mëson se me punë bëhen gjithë arritjet ,

A me përtaci – asgjë , përpos fikjet !

 

Mësuesi na mëson se të gjitha të mirat lëndore ,

Që na e lehtësojnë jetën , janë bërë prej klasës punëtore !

Janë bërë prej atyre , që nuk janë kursyer me punë ,

Ai , na mëson ashtu se me punë fitohet , e jo me dhunë !

 

Vetëm me punë e bëjmë më të mirë jetën tonë

Dhe jetën e të tjerëve kudo që jetojnë !

Mësuesi , ky krijues i gjithanshëm , me vlera t’ pa ndara –

Gjithmonë na pajisë me dijet e para !

 

Për natyrën , për shoqërinë edhe për njeriun ,

Për bujqësinë , për inxhinierin edhe për bariun …

Ai, na pajisë me dijet dhe e gjen mënyrën ,

Që na bëjnë të mundshme ta kuptojmë natyrën !

 

Na mëson si të sillemi me kujdes ndaj saj –

Si ta shfrytëzojmë për të mirën tonë , e jo për vaj !

Mësuesi , na mëson më të madhën e së vërtetës :

“Vetëm  dituria është  drita e jetës !”

 

Të shumta janë mësimet , dijet e gjithmbarshëm ,

Me të cilat na rritë ky krijues i gjithanshëm !

Prandaj, me të drejtë një fjalë e urtë thotë :

“Mësuesi është kopshtari më i mirë në botë !”

 

Ndërton fidanishten më t’ pasur e më t’ bukur

Dhe fidanët më të frytshme që bëjnë jetë të lumtur !

Mësuesi është ndërtuesi i shoqërisë së shëndoshë ,

Të përpunuar , të qytetëruar që s’ qon mundin boshë !

 

Mësuesi është ndërtues i pjesëtarëve të shëndoshë –

Të shoqërisë së pastër që për punë të joshë !

Të gjitha këto merita i takojnë mësuesit ,

Krijuesit të gjithanshëm edhe edukuesit !

 

Dituritë e arta që herët janë vërejtur

Dhe te të gjithë popujt këto vlera janë vjelur !

Herët i kanë vërejtur dhe shumë i kanë çmuar –

Rilindësit tanë me kohë i kanë kuptuar !

 

Kanë bërë shumë përpjekje , kanë bërë dhe shumë shtypje

Dhe shumë sakrifica , për krijimin e shkollës shqipe !

Dita e themelimit të shkollës shqipe t’ parë –

Ditë e t’ gjitha mirësive edhe ditë të mbarë !

 

Në Korçë , më 7 Mars të vitit 1887 –

Është bërë Ditë e Mësuesit , që shënohet e artë !

Shumë prej nxënësve të tyre në trojet shqiptare –

Janë bërë mësuesit e parë të shkollës sonë kombëtare !

 

Shumë prej tyre shkruan abetaret e para ,

Libra në  gjuhën shqipe , që iu dha e mbara !

Përmes këtyre librave seç shtohej leximi –

Shtohej dituria , sukseset , gëzimi !…

 

 

N’ trojet tona e dinin fshatari e qytetari ,

Se pa shkollën shqipe , pa mësuesin i pari –

Mungon flamurtari , mungon atdhetari ,

Nuk bëhet Shqipëria , nuk bëhet shqiptari !

 

Me shkollën, me mësuesin , me dijen që mësohej ,

Me atdhetarizmin nxënësi që edukohej –

E bënë Shqipërinë , e bënë shqiptarinë ,

E formuan shtetin , e fituan lirinë !…

 

Ishte pra kjo vepra jonë e parë e madhe –

Që na e bënë mësuesit e shkollës së parë shqiptare !

Ky person kaq i rëndësishëm , kaq i dashur n’ këtë jetë –

Ky krijues i gjithanshëm , nuk e ka pasur aspak të lehtë !

 

Pikërisht pse mësuesi ishte krijues i gjithanshëm ,

Pse puna e tij ishte aq e rëndësishme për popullin e gjithmbarshëm

Dhe aq e dashur nga populli që ishte përpjekur –

Mësuesi është ndjekur edhe është përndjekur !

 

Është burgosur , torturuar me dënim t’ pa parë ,

Mbasandaj edhe është vrarë hiq pa dëshmitarë –

Prej atyre që ishin kundër krijimit të shtetit shqiptarë ,

Të Shqipërisë nënë – mbi gjithë trojet mbarë !

 

Është vrarë prej atyre me gishta të dorës –

Që ishin kundër krijimit të shtetit të Kosovës !

Kundër zhvillimit dhe përparimit të popullit shqiptarë ,

Kundër mësuesve t’ popullit – njerëzve përparimtarë !

 

Është i madh numri i mësuesve të përndjekur herët , apo vonë ,

Është i madh numri i viteve që kanë kaluar në burgje mësuesit tonë !

Është i madh libri në të cilin janë shënuar vuajtjet e mësuesit tonë ,

Në të gjitha trojet etnike , shqiptarët ku jetojnë !

 

Sidomos në viset shqiptare që mbeten nën kamë –

Jashtë kufijve të Shqipërisë – jashtë shtetit tonë amë !

E kanë përndjekur , e kanë burgosur në rrugë të pakthyeshme –

E kanë vrarë për shkaqet dhe motivet më të ndryshme !

 

E kanë përndjekur , e kanë burgosur dhe e kanë vrarë për mizori –

Pse i mësonte fëmijët ta duan atdheun e vet – Nënën Shqipëri ?!

Pse i mësonte fëmijët ta duan gjuhën shqipe ,

Pse ua mësonte fëmijëve këtë gjuhë buke e kripe ?!

 

 

E kanë përndjekur dhe e kanë burgosur

Krijuesin e diturisë ,

Pse u fliste fëmijëve për 28 Nëntorin –

Ditën e krijimit të Shqipërisë ?!

 

Pse u fliste fëmijëve për flamurin kombëtarë ,

Për Ismail Qemajlin , shtetin tonë shqiptarë ,

Për heroin kombëtarë – historinë e Skënderbeut ,

Për Lidhjen e Prizrenit , trimat e atdheut ?!…

 

Pse vishej kuq e zi , me ngjyrat e flamurit kombëtar –

E kanë përndjekur , e kanë burgosur , e kanë dënuar si tradhtar ?!

Pse u fliste fëmijëve për demonstratat e vitit 1968 –

Kurrë rahat mësuesin s’e kanë lanë n’ këtë jetë !

 

Sidomos për demonstratat e vitit 1981 –

Pse u fliste fëmijëve – n’ burgje sa i kanë shti ?!

Pse u fliste fëmijëve pa një fije frikë –

Që Kosova duhej të bëhet Republikë ?!

 

E kanë përndjekë Mësuesin , n’ katër anë  kah shkon –

Kur e kishte emrin : Ilir , Kastriot , Çlirim , a Liridon ?!…

E kanë përndjekë Mësuesin me përbuzje t’ randë –

Kur e kishte emrin : Shqipe, Arbnore , Shpresë , Valbonë, Sarandë ?!…

 

E kanë përndjekë Mësuesin , e kanë nxjerrë në gjyq –

E kanë dënuar me shumë vjet burg , e kanë lanë n’ udhëkryq !

E kanë dënuar Mësuesin , gati 150 vjet –

Kur shqiptarët s’ kishin Zot , as nuk kishin shtet !

 

Mësuesin tonë , sot nuk mund ta përndjekin ,

As prej punës ku punon , nuk mund që ta heqin !

Ta përndjekin , ta dënojnë – ata që ndoqën e përndoqën ,

Burgosën dhe vranë paraardhësit e tij , Mësues që u përpoqën !…

 

Shqiptarët në Ballkan , nuk janë ma të shkretë –

Se janë Zot të vetes , vendosin për fatin e vet !

Kanë hyrë në epokën e tyre historike

Dhe ma s’ mund të shkelen nga këmbët armike !

 

Gjasat që u janë krijuar duhet të shpresojmë –

Se kushtet ma t’ mira do t’ dinë t’ i  shfrytëzojnë !

Më mirë se herë të tjera në historinë e tyre –

Se sot e vërteta duket në pasqyre !

 

Por , Mësuesin tonë , sot , një padrejtësi e cenon –

Nuk është i shpërblyer siç e meriton !

Nuk është i nderuar si që i takon –

N’ kushte të vështira mezi mbijeton !

 

Puna e Mësuesit , mundi dhe profesioni i tij –

Sot , trajtohen si të mos kishin rëndësi !

Rëndësinë që e kanë për shoqërinë tonë ,

Për të sotmen dhe të ardhmen deri sa nuk është vonë !

 

Institucionet politike dhe ato shtetërore –

Veten n’ mënyra t’ ndryshme e privilegjojnë prore !

Për punën e tyre nuk kanë shkathtësi ,

Por, shpërfillin punën e Mësuesit dhe arsimin në përgjithësi !

 

Për mësuesit tonë më shumë të mendojmë ,

Për punë t’i  shpërblejmë edhe t’i  nderojmë !

Për punë t’ jashtëzakonshme që ngritin n’ piedestal ,

Për Misionin atdhetarë , diturorë edhe moral !

 

 

Gjilan, më 07.03.2017.         Demir Krasniqi

 

  1. Festa e luleve
  • Teksti , muzika dhe interpretimi : Demir Krasniqi –

 

Duart plot lule ngjyra – ngjyra ,

Fëmijëve tanë iu qeshet fytyra .

Mësuesve t’ dashur ua dhurojnë –

Festën e shenjtë ua urojnë !

Refreni :

Festa e luleve – festa e shkronjave ,

Hidhet vallja e shqiponjave ,

Që nga Korça e Manastiri –

N’ ballë iu prinë Pandeli Sotiri !

 

Dritë e gaz mbi buzë të fëmijës –

Janë këto lule t’ Ilirisë .

Festë e dritës – Abetare ,

Festë e shkollës shqiptare .

Refreni :

Festa e luleve – festa e shkronjave …etj.

 

Kokat mbushur plot mësime ,

Gojët mbushur me urime ,

Zemrat mbushur plot gëzime ,

Fytyrat qeshur n’ përqafime .

Refreni :

Festa e luleve – festa e shkronjave …etj.

 

Festë të madhe ka shkolla sot ,

Nxënës e mësues është mbushur plot .

Jehon kënga , zien hareja –

Dituri e rreze të reja .

Refreni :

Festa e luleve – festa e shkronjave …etj.

 

N’ gëzim mësuesi fluturon –

Kur nxënësi lule i dhuron !

Mësuesit – festa i urohet ,

N’ krenari jeta i shtohet !

Refreni :

Festa e luleve – festa e shkronjave …etj.

 

 

Gjilan, më 07.03.2011. Demir Krasniqi

 

  1. Dhuratë nënës

– Teksti : Autor i panjohur –

– Muzika : Demir Krasniqi –

 

Po vjen sërish Pranvera ,

Ja erdhi 8 Marsi !

Për nënën një dhuratë ,

Unë dua ta bëjë gati !

 

Po vjen sërish Pranvera ,

Do t’ mbledh, unë , manushaqe .

Për festën tënde , nënë –

Do të puthi në faqe !

 

Do t’ zgjedh për ty ca vargje –

Me to do t’ thurë një këngë !

Në ditën e 8 Marsit –

Do ta dhuroj , moj nënë !

 

Gjilan, më 07. 03. 2011. Demir Krasniqi