DHJETË MARTIRËT E FAMILJES ZYMBERI

D. Krasniqi

(Pëkushtime historike)

Se çka është armiku, krimi edhe tmerri –

Do t’ mësojmë nga martirët e Familjes ZYMBERI !

Ta mbajë mend Kosova , ta mbajë mend Shqipëria –

Ndër luftëra e sprova , sa e shtrenjtë është Liria !

Ta dijë Ilirida , Sllupçani  e Karadaku –

Se nuk vjen Liria , për pa u derdhë gjaku !

 

Ju martirë të dashur , n’ pamundësi t’ jem  pranë –

Do t’ ua thurë ca vargje , t’ ju kujtoj me këngë !

Për atë ditë të kobshme t’ 24 Majit –

Kur n’ fshatin Sllupçan , retë u  nxinë prej vajit !

 

Më 24 Maj t’ vitit 2001 –

Ju në vatrat tuaja  ishit  në shtëpi !

Me  predha famëkeqe s’ iu lanë për t’ pushuar –

Pranverat e  juaja  s’i  lanë  për t’ lulëzuar !

 

Prindërit , akrabaja  n’ shtëpi  s’ kanë qëlluar –

Ata n’ vijë të frontit ishin duke luftuar !

Por, ju ishit femra, gra edhe fëmijët –

Nuk i lëshonit  vatrat , i ruanit  shtëpitë !

 

Ju , porsi  trimëresha  pritnit nëpër shtëpia –

Kur do të kumtohej BARAZIA E LIRIA ?!

Familja Zymberi – familje e trimërisë ,

Pati  nderin  t’ mbetet  EMBLEMË  E HISTORISË !

 

Emblemë historie për popullin shqiptarë ,

Aspiratë lirie për bashkim kombëtarë !

Ne mbajmë mend zullumin e forcave t’ sigurisë –

Prej  këtij shteti t’ pistë  me kriminelë  t’ sllavisë !

 

Breshëritë  e predhave nga  gjarpinjtë  e gjakut –

Pa shkëputur gjuanin mbi fshatra t’ Karadakut !

Mbajmë mend Komandantin kur topit ia ngrehi grepin –

Lëshoi predha mbi shpija , gra dhe foshnja t’ djepit !…

 

Çka u bëri Nerimanja , këtyre forcave  domuzi ,

Çka u  folën atyre , Mersimi e Jenuzi ?!

Çka u tha Sizana , çka u tha  Selvija ,

Çka u bëri Nealja , çka u bëri  Hisnija ?!

 

Zullumqarët ndërprenë të qarat e Valbonës –

Në djepat  e  gjumit  të Fitimit e Fitores ?!

Ata që i ndërprenë pranverat e jetëve tuaja –

Zoti i Madh ua ktheu  n’ këtë botë si rrëmuja !…

 

Zoti i Plotfuqishëm komandoi Gjithësinë ,

Me urdhrat e Tij , përdori fuqinë –

I asgjësoi forcat e gjithë zullumxhive ,

Që drejtonin predha drejt shtëpive, grave e fëmijëve !…

 

Ju  nuk jeni t’ vetëm,  pasardhës t’ Kastriotit –

Ju jeni t’ bashkuar  n’ Parajsën e Zotit !

Ata që  ju vranë , e  pësuan shumë keq –

Të tjerët  që do t’ sprovojnë , do t’ pësojnë edhe më keq !

 

Dhjetë kortezhe t’ mbuluara me Flamuj  t’ shqiponjës –

Brenda  tyre mbanin  dhjetë  martirë t’ Kosovës !

Dhjetë shpirtra   martirësh t’ Familjes  ZYMBERI

U flijuan n’ shtëpia , ranë në altar  nderi !

 

N’ aktin e varrimit jehojnë zëra nderi –

Zoti e bekoftë Familjen ZYMBERI !

Me  ju jem krenarë mbarë kombi  shqiptarë –

U  qoftë i lehtë dheu i Sllupçanit legjendarë !

 

Martirët e kombit –  Zoti i mëshiroftë ,

Trupi i tyre i qetë nën këtë dhe pushoftë !

Ju jeni të pafajshëm, porsi pika e lotit ,

Prehuni të qetë , o  shpirtra të Zotit !
Gjilan, më 23.05.2016.    Demir KRASNIQI