Demokracia në Shqipëri –produkt fallco e skarco

Demokracia në Shqipëri –produkt fallco e skarco

Nga Skënder Sadri KAPITI

Pse ka rezultuar demokracia shqiptare në një produkt skarco dhe fallco.

Demokracia e cila fshihet dhe maskohet pas fjalës demokraci dhe bën antidemokracinë është demokracvi fallco; dhe demokracia e cila prishet nga antiligji, krimi,  papërgjegjshmëria, tradhëtia, mashtrimi dhe nga korrupsioni kjo është demokraci e prishur, pra demokraci skarco.

A nuk është kështu dhe e tillë demokracia në Shqipëri?

Një “meritë” të madhe në këtë fallcitet dhe skarcitet demokratik, për këtë demokraci të prishur dhe të korruptuar, të gënjeshtërt dhe fallco  ka edhe BE-ja, e cila më shumë ka qenë e interesuar për një farë stabilokracie në Shqipëri, të një qëndrueshmërie politike edhe pse kjo stabilokaraci edhe vinte nga mosplotësimi i kritereve dhe standardeve demokratike; edhe poqese stabilokracia në  Shqipëri të vinte  edhe nga autokracia, krimi e korrupsioni.

Demokracia në Shqipëri ka dështuar në këtë tranzicion 30 vjecar.

Ajo rezultoi si një produkt politik i kriminalizuar dhe i  korrupruar që ka gjeneruar apo prodhuar krim elektoral me vjedhje e blerje votash; me manipulim zgjedhjesh dhe rezultatesh; me mashtrime e gënjeshtra fantastike .

Demokracia në Shqipëri ka funksionuar si regjim politik autokratik dhe ka  prodhuar paqëndrueshmëri politike të pandërprerë.

Demokracia shqiptare ka prodhuar qeverisje, pushtet dhe drejtësi të korruptuara,të kriminalizuara, të papërgjegjshme, hajdute dhe antipublike.Demokracia në Shqipëri në këto 30 vite nuk tregoi vlera por antivlera.

Demokracia në Shqipëri ka dështuar sepse ajo nuk ngriti dhe nuk ndërtoi shtetin demokratik dhe ligjor me parime e standarte moderne.

Pluralizmi me mbi 100 e ca parti politike në Shqipëri  rezulton të jetë  një fasadë demokratike mashtruese, qëllimi i  të cilave ka qenë vetëm përfitimi politik personal i krerëve të këtyre organizatave politike që shumica e tyre si parti nuk kanë as zyra dhe as antarë, por shumica e partive politike ekzistojnë  si fantazma politike, që përfitojnë lëmosha nga shërbimi dhe servilizmi i tyre ndaj pushtetit.

Edhe shoqatat civile apo ato që quhen OJQ nuk janë gjë tjetër përvecse organizata fantazmë që manipulohen dhe shfrytëzohen nga bajraktarët parazitë të tyre të cilët u lëpihen qeverive dhe politikës për të pëfituar thërrime nga krimi, korrupsioni dhe hajdutëria.

Po kështu, ashtu sikurse janë   partickat politike ashtu janë  pra edhe OJQ-të të ashtuquajturat organizata joqeveritare por që realisht janë zgjatime dhe shërbesa qeveritare, të korrupsionit dhe të hajdutërisë së tyre, prej të cilave marrin ndonjë lëmoshë.

Edhe mediat në Shqipëri janë, sillen e shërbejnë  si media të shitura, servile dhe mercenare të pushtetit e të parasë.

Dhe kulmi i dështimit të demokracisë në Shqipëri janë drejtësia,prokuroria dhe gjykatat shqiptare, pra sistemi kriminal e korruptiv i drejtësisë politike në Shqipëri.

Pra, demokracia e cila prodhon dështim, korrupsion, krim, papërgjegjshmëri, vjedhje dhe destabilitet, ajo vetë, pra demokracia,  është një dështim dhe produkt falso-demokratik.Demokraci falso do të thotë që në dukje, në reklamë, në predikime është si pluraliste, e lirë, europiane; demokraci  moderne  në dukje me institucione dhe me pushtete të pavarura, në dukje  se ka media të lira dhe gjyqësor të pavarur.

Pra merita më e madhe që kanë  pasur në këtë tranzicion politika dhe politikanët shqiptarë është mjeshtria e madhe e tyre si profesorë të mashtrimit me demokracinë, si mashtrues publik me demokracinë,  por sidomos si manipulatorë, spekulantë dhe si falsifikatorë  të demokracisë.

Që demokracia në Shqipëri është skarcitet dhe dështim, këtë e verteton edhe realiteti i sotëm , tani në vitin 2019 , ku Shqipëria sot është në një krizë të thellë demokratike, krizë e cila ka ardhur si pasojë e krizave politike dhe gjithinstitucionale, kjo vlen edhe si një vertetim edhe i këtij titulli të këtij shkrimi.

Fatkeqësisht, një tip-model i tillë demokracie rezulton edhe në Kosovë.