ADEM RAMË MOLLIQAJ

Nga : Demir KRASNIQI

ADEM RAMË MOLLIQAJ

Adem Rama , ai burrë trim ,
Në Shqipëri kërkoi strehim ,
Nga serbët s’ kishte shpëtim –
Mbi te donin t’ bënin shëmtim !

Lluka e Epërme në historinë tonë –
Do t’ përmendet për gjithmonë ,
Për shumë trima e atdhetarë ,
Shumë pishtarë e dijetarë !…

Na kujtohet koha e shkretë –
N’ trojet tona s’ na linin t’ qetë !
Rankoviqi përdorte dhunën –
Detyronte shqiptarët t’ shpërngulën !

Këto tortura i ndien ma s’ miri ,
Dervish Shaqa e Demush Neziri ,
Adem Rama nga Lluka e Deçanit –
Të tre së bashku ikën prej vatanit !

Adem Rama , krijesë kreshnike –
Kishte veprimtari t’ gjerë patriotike !
Vuajtje t’ mëdha n’ shpirt përjetonte ,
Ishte burrë që i përballonte !

Adem Rama , ky trim malesh ,
Burrë besnik , njeri i fjalës ,
S’ kishte forcë për ta frikësuar –
Nacionalist i përbetuar !…

Adem Rama , qysh se i ri –
U përballë me varfëri !
Andaj , ai punonte shumë –
Derdhte djersën porsi shkumë !

Ai shpesh shkonte edhe në qytet –
Që t’ punonte për familje t’ vet !
Nuk e zinte fjetur sabahu –
Punonte si punëtor krahu !

Në qytet duke punuar –
Kontaktonte njerëz t’ shkolluar ,
Që interesoheshin për çështjen shqiptare ,
Nuk dallonin qeniet fshatare !

Në Kosovë , nacionalistët –
Nuk i donin komunistët !
Forma t’ ndryshme për ta kërkonin –
Komunistët që t’i luftonin !

Që me serbët bashkëvepronin –
Shqiptarizmin e dëmtonin !
Komunistët ishin lojësa –
Luanin rolin si shqipfolësa !

N’ anën tjetër Balli Kombëtarë –
Influencë kishte n’ shqiptarë !
Komunistët sllavë ishin njerëz gjithë fare –
Ishin kolonizatorë të tokave shqiptare !

Demush Rama , kushëri i Ademit –
Ishte i gatshëm t’i del Zot, vendit !
Kishte vepruar kundër kolonistëve ,
Që vepronin n’ emër t’ komunistëve !

Adem Rama , kishte plot ide të reja ,
Kishte mbështetë shpresat tek NDSH-ja !
Shkoi tek NDSH-ja e Ymer Berishës –
Nuk kishte ndikime të xhamisë , as kishës !

Nuk duhet harruar trimat nga Deçani –
Së bashku me Ademin , vepronte Tal Babani !
Pasi Luftës së Dytë i erdhi përfundimi –
Adem Rama shpëtoi nga likuidimi !

Që kishte ndërmarrë pushteti i shfarosjes –
Përmes të agjentëve shqipfolës të OZN- së !
Porse likuidimi Tal Babanin e gjet –
Pasi bie në pritë nga daja i vet !

Vitet e pesëdhjeta , çdo ditë nga sabahu –
Adem Rama n’ Pejë , punon si argat krahu !
Nuk kursente veten t’ punojë punë t’ vështira –
Veçse për familje t’ krijojë kushte t’ mira !

Gjatë kësaj kohe bie n’ kontakt përsëri ,
Me lidhjet e vjetra për t’ ia ripërtëri ,
Frymën dhe idenë e NDSH-së –
Rikthehet anëtarë me dashuri dhe besë !

Kur hyri partia me ide të pistë –
Pushtetin e morën sllavët komunistë !
Ata n’ trojet tona nuk pushonin prore ,
Por , organizonin procese gjyqësore !…

Nga shumë dëshmitarë i mblidhnin shënimet –
Ndaj popullatës sllave kush i ka bërë krimet ?!
Sa për të inskenuar dënime gjithë fare –
Ndiqeshin anëtarët e Nacionales Shqiptare !

Ishte viti 1956 –
Rankoviqi , bënte n’ Kosovë çka ka dashtë !
Për mbledhje të armëve ndërmori fushatë –
Veç me i torturua shqiptarët e ngratë !

Nga regjimi i egër që ishte pansllavist –
Vepronte nën petkun sllavokomunist !
Adem Rama , ndiqej si aktivist i NDSH-së ,
Që e spiunonin shqipfolësit e pa besë !

Ademi kërkohej edhe keqtrajtohej –
Nga policia sekrete gjithmonë maltretohej !
Kështu përjetuan trysninë e UDB-së ,
Që ua montuan njerëzit e pabesë !

Më datën 3 Mars , t’ vitit ’56 – të ,
Adem Rama , bënë një punë që s’e ka dashtë !
Bashkë me dy rapsodët e shquar popullor –
Morën rrugë t’ pa kthim drejt terrenit malor !…

Ishin Dervish Shaqa dhe Demush Neziri ,
Që zgjodhën këtë rrugë , si shpëtim ma s’ miri !
Lamtumirë i thanë çiftelisë e sharkisë –
Morën rrugë strehimi në tokën e Shqipërisë !

Së bashku me ta ishte edhe Isa Botusha –
Lamtumirë moj Llukë , ju male dhe fusha !
N’ udhëtim të mërdhitur , nëpër borë e ngri –
Bjeshkëve , të rraskapitur dalin në Shqipëri !

T’ gëzuar që iu shpëtuan rojeve kufitare –
Ata iu dorëzuan rojeve shqiptare !
Mbas shumë hetuesie që u shkonin për dorës –
Ademi ishte vendosur n’ Llakatund të Vlorës !

Por shumë shpejt e transferojnë
Në Veri të Shqipërisë –
E vendosën në Tropojë ,
N’ këtë qytezë të Malësisë !

Ndërrimi i shpeshtë i vendbanimeve –
Për ta ishte lojë taktike ,
Që t’ mos e “indoktrinojnë popullin”
Me ide demokratike !

Ademit ia ndërrojnë shpesh vendbanimin ,
Me vendime administrative –
Për ta mbajtur sigurimin ,
Në mënyra selektive !…

Eprorët kurrë s’ patën kënaqësi
Me dëgjueshmërinë e tij !
Shpejt e arrestojnë edhe e dënojnë –
Me pesë vjet punë detyruese që të punojnë !

Pjesën e parë të këtij dënimit –
E vuan në Seman të Fierit !
E vuan në këtë kamp famëkeq ,
Që nuk ishte as për dreq !

Në këtë kamp që s’ ia kishte ëndja –
Kishte kryer shumë punë të rënda !
Për mirësjellje e privilegjojnë –
Dy vite tjera n’ Lushnjë e transferojnë !

E më vonë në shenjë shpërblimi –
E heqin nga internimi !
Si peshkun që nxjerr prej pusit –
E dërgojnë n’ Shenavlash t’ Durrësit !

Adem Rama ,në Shqipëri –
Ishte i vetëm gjysmë njëri !
Pjesën tjetër të familjes –
E la n’ Kosovë , në Llukë t’ vendlindjes !

Gjatë qëndrimit në Shqipëri –
Adem Rama , vuante n’ varfëri !
Dervishi e Demushi , rronin nga hareja –
Se ata krijuan familje të reja !

Dervishi e Demushi , hiq nuk hezituan –
Për të dytën herë ata u martuan !
Ademi , nuk ndërroi kurrë mendjen e vjetër
Dhe kurrë nuk pranoi t’ krijojë familje tjetër !

Ademi nuk e ndërronte qëndrimin e tij –
E dinte që n’ Kosovë ka gruan dhe tre fëmijë !
Mbas tetë vjet qëndrimi Ademi në vetmi –
Një hap të vështirë ndërmerr gruaja e tij !…

Ajo n’ muajin Mars , të vitit ’64 –
Në mes të acarit mori rrugë me hatër !
Ajo n’ mes të borës , mori rrugë me fëmijë –
Pa e ditë çfarë do t’ ndodhi , ikë në Shqipëri !

Der’ kaloi kufirin , nëpër male e thepe –
Rrugës i dogj rrobat që i kishte me vete !
Për të shpëtuar fëmijët nga të ftohtit e në lum ,
Sepse bora e kalonte gjysmë metri a më shumë !

Por, fati në anën e tyre , ishte plot mëshirë ,
Mbas dy dite udhëtimi , arritën shëndosh e mirë !
Deri n’ postë të policisë, n’ qytetin Bajram Curr –
Kush ua mundësoi kalimin , nuk treguan kurrë ?!…

Dy javë pyetje e presione i verifikojnë –
Kush i mësoi kështu që të veprojnë ?!
Gruaja dhe fëmijët më n’ fund lejohen –
Që me babë Ademin , sërish të bashkohen !

N’ vitin 1986 –
Me Ademin , bëjnë sërish çka kanë dashtë !
Fare pa pas hile , fare pa pas hak –
E arrestojnë përsëri pa asnjë pikë hak !

3 ditë e 3 netë në hetuesi ,
Ditë e natë n’ mundime zi edhe ma zi !…
Hetuesia zhvillohej në “15 katëshën “ –
Me ia mërzitë jetën , me ia shtua telashën !…

Mbas viteve t’ ’90-ta , sipas kalendarit –
Ademi tha mundimet do ja tregoj vetëm natës së varrit !
Adem Rama , ishte më i respektuar si njeri –
Nga “emigrantët” kosovarë që ishin në Shqipëri !

Nga se gjithmonë ruajti nderin dhe fytyrën
Dhe kurrë nuk veproi në dëmin e tyre !
Këto ishin vargjet për tinguj të lahutës –
Që do t’i këndohen Adem Ramë Llukës !

Gjilan, më 08.02.2018. Demir KRASNIQI