70 VJET SHKOLLË NË TUGJEC

Demir Krasniqi

70 VJET SHKOLLË NË TUGJEC

Me ngrohtësinë e kraharorit ,
Si bylbyli në mëngjes –
Po i këndoj 70 vjetorit ,
T’ lindjes s’ shkollës në Tugjec !

Ec e ec , ec e ec –
70 vjet shkollë në Tugjec !
70 vjet rritë e gëzime ,
70 vjet dritë e mësime !…

70 vjet nëpër rrugëtime ,
70 vjet nëpër mundime ,
70 vjet me shumë rrëfime ,
70 vjet sukses , mësime !…

70 vjet rrugëtime t’ gjata –
Kaluan mijëra nxënës fshatarë !…
Kaluan 70 gjenerata –
Bashkë me mësues e arsimtarë !…

Si bylbyli i mëngjesit ,
Këtë këngë po e këndoj –
Me te Shkollën e Tugjecit ,
Me gjithë zemër e kujtoj !

I kujtoj rrezet e dritës –
Ku zhvillohej dituria !
I kujtoj vitet e rritës –
Ku lulëzonte lumturia !…

Në agimet e mëngjesit –
Vinin nxënësit drejt Tugjecit !
Prej Gëmicës e Gjyrishecit ,
Prej Sfircës e prej Zajçecit !…

Nga Meshina e Kremenata –
Ndër lugina e kodra t’ gjata !
Nga Shahiqi e Ramabaja –
Hajkobilla e Starabaja !…

Ngjiten nxënësit brigjeve , shpatit –
Prej Zhujës e prej Gërbacit !…
Nga Jallaça e Feriçeva
Dhe shumë fshatra nga këto treva !…

Nëpër shi e nëpër borë –
Zbathë e zhveshë me libra n’ dorë !
Nëpër terr e nëpër mjegull –
Bukë pa ngrënë , librat nën sqetull !…

Udhëtonin drejt ditëve të reja –
Në Tugjec , ku i priste hareja !
Udhëtonin drejt rrugëve t’ jetës –
Shtigjeve t’ dritës , rritës , shpresës !…

Drejt haresë edhe gëzimit ,
Drejt mësimit , edukimit ,
Drejt leximit edhe shkrimit,
Drejt lojërave dhe këndimit !…

Nga shumë fshatra ec e ec –
Vinin nxënësit në Tugjec !
Nëpër rrugë të ardhmërisë –
Drejt dritës së diturisë !

Urime 70 vjetori i themelimit ,
Moj shkolla e vendlindjes sime !
Jetë të gjatë e dritë t’ gëzimit –
N’ edukime dhe mësime !…

Urime Tugjec , festimin –
T’ uroj fatin dhe të mbarën !
N’ ty mësova shkrim – leximin ,
N’ ty mësova Abetaren !

Gjilan, më 25.09.2017. Demir KRASNIQI