Letërsi

Laureta Miftari:

Lidhje të jashtëme:

●Shah - Chess
●Cartoon
●Le Blog de Nicole.K

Drejt thyerjes së rrezikshme të baraspeshës së gjinive

Këto ditë bota hyn në oqeanin human prej shtat miliardësh. Fakt i pritur i shtimit të popullatës që nga vetëdijësimi i njeriut. Frika nga numrat kanë egzistuar por gjithëmonë e pabazuar dhe e pasaktë në drithmat për ardhmëri të pasigurt. Ky fenomen gati kaloi (me të drejtë) në dorën e dytë të okupimit tonë. Dy dhetëvjetorët e fundit janë të mbuluar me të drejtë, me analiza e studime ekologjike nga më seriozet që trajtojnë problemin e rrezikut të shkatërrimit natyrës mbarë.  Shum pak jemi ndalur mbi një dukuri tjetër më të rrezikshme se shtimi natyror dhe ndotja e natyrës. Në të vërtetë pak jemi ndalur në rritjen natyrore, apo më mirë, jonatyrore të natalitetit.  Qasja ndaj këtij problemi kërkon angazhimim të mirëfilltë nga të gjithë. Na jemi pjesë e drejtpërdrejt e anomalisë, sepse jemi të kyqyr së paku në mënyrë anësore në shprishjen  e barazpeshës në mes të gjinive dhe pësojmë nga ajo.

Ekseprtët (dhe jo vetëm ata) kanë frikën shprishja e barazpeshës natyrore në mes të numrit të gjinive do të çon në mënyrë të pashmangëshme drejt një konkurence të hatashme për të gjetur bashkëshorte. «Mashkullarizimi» i botës nisur nga Kina dhe India është kërcnim demografik  tejet i ndërlikuar për shkak të lindjeve ose ndryshe thënë, abortimeve selektive. Pasojat nuk i ndjejmë akoma përveç në disa raste lokale si që janë viset rurale të vendeve të përmendura por kjo pa asnjë dyshim do të merr përmasa të rrezikshme në nivel botëror brenda disa viteve. Pasojat do të jenë po aq shkatërruese, në mos më të shpejta në pikëpamje kohore se ndotja e mjedisit. Mungesa e femrave do të rritë agresivitetin ndërmashkullor, dhunimet e femrës, po dhe  do të çoj drejtë agresioneve të armatosura në mes regjioneve dhe popujve që do përcillet gjithashtu me rritjen e ndotjes nga përdorimi i materjaleve e materjeve shfarosëse.

Pas kësaj që them, qëndrojnë statistikat e paluhatshme. Nëse lëkundet gjendja që ofron natyra: 104 - 106 çuna për 100 vajza, sa edhe për një njishe të rritet nataliteti i mashkujve, do të thotë dalje nga gjendja e rëndomtë dhe ecje drejt katastrofës.

Tendencat e selekcionimit shkojnë duke u përhapur kështuqë në Indi e Viatnam shifrat rriten në prporcion dhe kanë arritur më 2011 në 112 çuna për 100 vajza të lindura kurse në Kinë proporcionet janë 120 me 100 e në disa rajona të dhënat janë akoma më shqetësuese: 130 / 100.

Gjendja është pak më e qëndrueshme (për momentin sepse synimet janë të dukshme) në Gjeorgji, Azerbejxhan e Armeni, me disa indicione se edhe në Ballkan kanë filluar abortimet selektive. Në të vërtetë indicionet statistikore për Ballkan janë gjithashtu të frokshme: Në Shqipëri lindin 111,5 mashkuj 100 femra., Në Kosovë 112 me 100; Mal të Zi 109,7 me 100 etj.

Këto ndryshime, do të sjellin gjithashtu ndryshime në jetën morale të shoqërisë dhe familjes. Në rradhë të parë me ndryshimin e sjelljeve të moralit mendoj në këthimin e poliandrisë (një grua të ketë shum burra) që do të jetë tentativa e parë psikologjike për t’iu shmangur luftimeve konkurenciale e kjo situatë vetëm sa do ta zgjasë për pak kohë trazimin e demoneve të racizmit në mes popujve me prapivijë të shfarosjes fizike të «armikut» ose më saktë, të mashkujve.

Më së fundmi, këto tendenca për të pasur pasardhës mashkull, për të mbajtur «gjallë trungun», vetëmse na vë para një rreziku të ri alarmant ndaj të cilit duhet gjetur zgjidhje akute si jo, do të gjindemi para një humnere marramendëse kur nuk do të kemi kohë as të pyesim: «Quo vadis, njeriu?»