Filozofi
     dhe
letërsi

__histori kombëtare, vështrime, debat__

Ballina

Letërsi

Filozofi

Histori

Opinione

Intervista

Citate

Kritikë

 

Poezi/Prozë 1 2 3 4

VJEHRRA DHE REJA

Nga: Demir Krasniqi

31.10.2014

Poezi

VJEHRRA DHE REJA


 

Vjehrra :

Çou moj nuse  e  mile lopën –

I: O, të  nxamë djathë  e  të  nxamë kos –e  !:I

Tana t’ mirat , o, t’i  tubojmë -e ,

I: O, hiq kërkujt mos t’i lakmojmë - e !:I

Reja :

O, kuku vjehërr , të  rafshin  flokët –

Qysh po m’ thue , o,   me i mjelë lopët ?!

I: Kuku  vjehërr , o, të lëshoftë toka ,

O, nuk guxoj se më hanë  lopa !:I

I: O, dal me burrin, o,  dorë për dore –

Shkojmë e blejmë tambël , o, n’ shitore !:I


 

Vjehrra :

Çou moj nuse  e  merri ent- e ,

I: O, shkojmë n’ torishtë e  i mjelim dhentë – e !:I

Të nxamë mazë e  t’ nxamë bylmet –e ,

I: O, ta bajmë harxhin për nji   vjet –e  !:I

Reja :

O, kuku vjehërr , të  lashin mentë – e ,

Qysh po m’ thue , o,   me i mjelë dhentë – e ?!

I: Nuk guxoj me u afrue  te plemja –

O, fort po tutna , o ,po m’ hanë delmja !:I

I: O, dal me burrin , o, dorë për dore –

Mazë e djathë , o,  i blejmë n’ shitore !:I


 

Vjehrra :

Çou moj nuse,  çka je tuj pritë –e,

I: O, t’ shkojmë në stallë,  t’i mjelim dhitë –e !:I

T’ kemi tambël fëmijëve me u qitë –e,

I: O, mos ta hanë bukën me kripë – e  !

Reja :

O, kuku vjehërr , të  plaçin sytë –e,

Qysh po m’ thue , o,  me i mjelë dhitë – e ?!

I: Nuk guxoj me u afrue  te vija –

Fort po tutna , o, po m’ hanë dhia !:I

I: O, dal shëtis , o,  me burrin tim –e ,

Do t’ blej tambël  në Vetëshërbim – e !:I


 

Vjehrra :

Çou moj nuse , o, mos  gjejë dokrra –

I: O, dil e qitju  pulave kokrra !:I

Na banë voe ndo ‘i   pulë e ngratë –e ,

I: O, kurrë s’e hajna , o, bukën thatë – e  !

Reja :

O, kuku vjehërr , o,  iu rafshë surlave –

Qysh po m’ thue me iu qitë pulave ?!

I: Nuk guxoj , o, me dalë te lulat –

Fort po tutna , o, po m’ hanë pulat !:I

I: O, dal me burrin , o, krah për krah –e ,

I blejmë voet në  namazgjah – e !


 

Vjehrra :

Çou moj nuse , dalim te bahçja –

I: O, mbjellim speca  e  mbjellim lakna !:I

Mbushim kacat , o,  me turshi –e ,

I: O, t’ kemi boll , o,  me ngranë , me pi – e !

Reja :

O, kuku vjehërr , o, tu  nxiftë faqja  –

Qysh po m’ thue me dalë  te  bahçja ?!

I: Me mbjellë speca, o,  me mbjellë lakna –

Fort po tutna m’ prehet nafaka !:I

I: O, e marr burrin e dal n’ pazare –

Speca e lakna i marr me pare !:I


 

Vjehrra :

Çou moj nuse , dalim te rrezja –

I: O, mbjellim qepë e mbjellim dredhëza !:I

Le t’ na marrin lakmi kojshia ,

I: O , mos  t’ i  bajnë  mall dredhëzat  fëmija !:I

Reja :

O, kuku vjehërr , të  gjetët  e zeza –

Qysh po m’ thue , o, me mbjellë  dredhëza ?!

I: Kur t’ shkojmë dredhëza , o, për me mbledhë –e ,

Tutna duert kanë me mi therë – e  !:I

I: O, e marr burrin e dal n’ qytet –e ,

Dredhëza e qepë  i blejmë pa zahmet-e  !:I


 

Vjehrra :

Çou moj nuse, lutë mos pritë –e,

I: O, merre  shatin , o,  me prashitë – e  !

T’ rritet misri , o, me tramak –e ,

I: O, ta bajmë bukën , o, me bollak – e !

Reja :

O, kuku vjehërr , të  plaçin sytë –e,

Qysh po m’ thue , o, me prashitë – e  ?!

I: Me iu thye , o, bishti shatit –

Fort po tutna , o, që m’ bjen shtatit !:I

I: O, dal n’ pazar , o, me timin shoq –e ,

Blejna miell edhe  kallamoq – e . !

Vjehrra :

Çou moj nuse , mos u banë horë –e ,

I: O. merre drapnin e shkojmë me korrë – e !:I

T’ sigurojmë , o, bukën prej gruni ,

I: O, t’ na lakmojnë , o, krejt  katuni !:I

Reja :

O, kuku vjehërr , u bafsh si sorrë –e ,

Qysh po m’ thue grunin me korrë – e ?!

I: Fort po tutna me e kapë drapnin –

Si me e kapë , o, për kreje gjarpnin !:I

I: O, dal në korzo  me burrin tim –e ,

Grunë e miell  i  blejmë  n’ Vetëshërbim – e  !:I


 

Vjehrra :

Çou moj nuse  e  mos u shtirë –e ,

I: O, na kanë ardhë , o, do mysafirë – e  !:I

Der’ ti bajnë , o, ata pak llafe –

I: O, merri xhezvet e piqju  kafe !:I

Reja :

O, kuku  vjehërr ,o, hiqmu qafe –

Qysh po m’ thue , o , me qitë kafe ?!

I: Tutna rryma , o, ka  me m’ zanë –e ,

M’ derdhet kafja e m’ banë viranë – e  !:I

I: Me mysafirë , burri le t’ del –e ,

Le t’ pinë kafe , o,  në hotel- e !


 

Vjehrra :

Çou moj nuse , n’ magje me shkue –

I: O, me sitë miellin  e  me gatue !:I

Se kur  burrat , o, ta lanë  punën –

I: O, presin sofrën e  presin bukën !:I

Reja :

O, kuku vjehërr , o, ke gabue –

Qysh po m’ thue , o, me gatue ?!

I: Me marrë miellin e  me qitë n’ sitë –e ,

Fort po tutna m’ qorrohen sytë – e !:I

I: Dal me burrin i bajë dy turra

Edhe bukën e blejmë te furra !:I


Gjilan, më 31.10.2014.    Demir KRASNIQI

 

 

 

 

Filozofi
 
dhe
letërsi

histori
tradita
vështrime
debat

citate
intervista
letra hapura
botime reja
 
 
 
 

Filozofi
         dhe letërsi

|Citate dhe proverba| |Citate sipas autorëve| |"Xhevahire" nga Reis Mirdita|

Altruizmi-Egoizmi Dashuria Edukata Gruaja Mali Natyra Qesëndi
Arsimimi Dashuria (II) Ëndërrat Humori Mëdyshja Ndryshimi Rrena
Art-Dhunti Dashuria (III) Fëmijët Imagjinata Miqësia Nga-fëmijët Skamja
Besimi Dashuria (IV) Filozofia Inteligjenca Mosha Nga-Vizitorët Vetitë
  Dituria Fjalëbutësia Jeta Motivimi Optimizmi Vjedhja
  Drejtësia Frymëzimi Lakmia Muzika Paqa Xhelozia
      Lotët   Paragjykimi Të-pandara
      Lumturia      
____histori kombëtare, vështrime, debat, politikë, letra të hapura____ © Të gjitha të drejtat e rezervuara.
Copyright © 2007 [ http:// www. filolet.com ] Tous droits réservés.
Révision : 28 nov. 2012 14:06:32 +0100 .