Filozofi
     dhe
letërsi

__histori kombëtare, vështrime, debat__

 

 

 

 

 

Poezi/Prozë - BASHKIM KOMBI (Rapsodi )

 BASHKIM KOMBI (Rapsodi )

Nga:

Demir Krasniqi

 


 

 

Demir Krasniqi

BASHKIM KOMBI (Rapsodi )

N’ troje t’ vjetra t’ Ilirisë –
Dasmë të madhe kemi nisë !
Po na thërret n’ dasmë Iliria,
Babë Atdheu e nënë Shqipëria !

Bashkim Kombi po martohet ,
Me Lirinë po kurorëzohet !
Nga gjithë trojet arbërore –
Vijnë dasmorë edhe dasmore !

Fort janë gëzua baba e nana –
Vijnë dasmorët nga Tirana !
Gëzohen vëllezër , gëzohen motra –
Po na vijnë dasmorë nga Shkodra !

Lartë mbi re valon flamuri –
Vijnë dasmorë nga Bajram Curri !
Shih sa bukur këndon Zoja –
Vijnë dasmorët nga Tropoja !

Nga çdo anë po vërshon fluksi –
Po na vijnë dasmorë nga Kukësi !
Shtrohen sofrat , shtrohet buka –
Po na vijnë dasmorë nga Puka !

Ia thotë këngës Albulena –
Vijnë dasmorë nga Tepelena !
N’ çifteli këndon Hasani –
Vijnë dasmorë nga Elbasani !

Hidhet vallja dora – dora ,
Po na vijnë dasmorë nga Vlora !
Me këngë dasme – këngë të pastra ,
Vijnë dasmorë nga Gjirokastra !

Hedhin valle shokë e shoqe –
Po na vijnë dasmorë prej Korçe !
Hedhin burrat valle t’ randa –
Vijnë dasmorët nga Saranda !

Po bien sazet e klarineti –
Vijnë dasmorët nga Përmeti !
Gëzohet miku e mysafiri –
Po na vijnë dasmorë nga Fieri !

Një kaba po e ngreh Ferati –
Vijnë dasmorët nga Berati !
Gëzohen male, gëzohen fusha –
Po na vijnë dasmorë nga Lushnja !

Rriten zemrat nga sevdaja –
Vijnë dasmorët nga Kavaja !
Kush po vjen kah gryka e pusit –
Po na vijnë dasmorë prej Durrësit !

Presin burrat te kapia –
Vijnë dasmorë nga Peshkopia !
Si e kem traditë ndër breza –
Po na vijnë dasmorë nga Lezha !

Dasmës sonë larg i shkon buja –
Po na vijnë dasmorë nga Kruja !
Dasmën tonë e bekon Zoti –
Vijnë dasmorë djem Kastrioti !

Si valë deti hova – hova ,
Vijnë dasmorët nga Gjakova !
Jehon kënga n’ majë Shkëlzeni –
Vijnë dasmorët nga Prizreni !

Bie gajdja , zien hareja –
Po na vijnë dasmorë nga Peja !
Po bien surlja dhe tupani –
Vijnë dasmorët nga Gjilani !

Bien gërneta e violina –
Vijnë dasmorët nga Prishtina !
Po bien fyelli e mezhnica –
Vijnë dasmorë nga Mitrovica !

Ç’ po cingërojnë gotat e çajit –
Vijnë dasmorë prej Ferizajit !
Çelin lulet boronica –
Vijnë dasmorët nga Drenica !

Po shkëlqen vala e Drinit –
Vijnë dasmorë prej Dukagjinit !
Po vlon kafja prej dollapit –
Po na vijnë dasmorë prej Llapit !

Sa hijeshi ka sot konaku –
Vijnë dasmorët prej Gollaku !
Lartë mbi re valon bajraku –
Vijnë dasmorë prej Karadaku !

Vijnë dasmorët nga Presheva –
Hedhin valle nga këto treva !
Ç’po ia thotë këngës Mark Ndoci –
Vijnë dasmorë nga Bujanoci !

Therën desh e therën qengja –
Vijnë dasmorët nga Medvegja !
Ia thotë këngës kanarina –
Vijnë dasmorët nga Sjarina !

Hidhet vallja , dridhet trupi –
Po na vijnë dasmorë nga Shkupi !
Këndojnë motrat Libohova –
Vijnë dasmorë nga Kumanova !

Po thotë nëna shumë u gëzova –
Vijnë dasmorët nga Tetova !
Gëzim ma t’ madh kurrë s’ përjetova –
Vijnë dasmorët nga Kërçova !

N’ plisa t’ bardhë si bora e Sharrit –
Vijnë dasmorë prej Gostivarit !
N’ çifteli po këndon Ibra –
Po na vijnë dasmorë nga Dibra !

Shtrohen sofra , shtrohen luga –
Po na vijnë dasmorë nga Struga !
Sa hijeshi ka sot oborri –
Po na vijnë dasmorë nga Ohri !

Sa këndshëm po rrjedh Lepenci –
Vijnë dasmorë nga Pogradeci !
Këndojnë bylbylat nëpër plepa –
Po na vijnë dasmorë nga Prespa !

Si shkëmbinj gurë xhevahiri –
Vijnë dasmorë nga Manastiri !
Sa me gëzim këndon Aida –
Vijnë dasmorë nga Ilirida !

Djem petrita , djem si zana –
Vijnë dasmorët nga Uskana !
Në mes nesh rron harmonia –
Vijnë dasmorë nga Pellagonia !

Hidhet vallja me çallgia –
Vijnë dasmorë nga Çamëria !
Arvanite këndon Tereza –
Vijnë dasmorët nga Preveza !

Sa bukur po këndona Marta –
Po na vijnë dasmorë nga Arta !
Sa bukur po vallëzon Rina –
Vijnë dasmorët nga Janina !

Zihet mezja , vlon kusia –
Vijnë dasmorët nga Gucia !
Piqet pitja e bakllava –
Po na vijnë dasmorë nga Plava !

Me lahutë këndon Januzi –
Po na vijnë dasmorët nga Tuzi !
Hidhet vallja nga sevdaja –
Po na vijnë dasmorë nga Kraja !

Sillet rrushi e shalqini –
Vijnë dasmorët nga Ulqini !
Si lulet që sjell behari –
Vijnë dasmorët nga Tivari !

Sillet mezja pjekë nga skara –
Po na vijnë dasmorë nga Zara !
Sa me gëzim këndon Sabria –
Vijnë dasmorë nga Kalabria !

Sa më gëzim vallëzon Rukia –
Vijnë dasmorët nga Turkia !
Vallëzojnë “Shotën mashalla “ –
Vëllezër , motra krah për krah !

Këngë krenare këndon Nora –
Vijnë dasmorë nga diaspora !
Puthin gurët e këtij dheu –
Krenaria e këtij Atdheu !

Hedhin valle , shtrëngojnë duar ,
Se kur jemi të bashkuar –
Si çelik jemi të fortë ,
Liri – nusja na jep tortë !

Lidhuni fort vëllai me vëlla –
Askush kurrë mos t’ iu përça !
S’ na përçanë parti , as fe –
Kem një komb , kem një atdhe !

Gjilan, më 10. 03. 2014. Demir KRASNIQI

 

 


Filozofi
 
dhe
letërsi

 

histori
tradita
vështrime
debat

 


citate
intervista
letra hapura
botime reja

 

 
 

     
Filozofi
         dhe letërsi

|Citate dhe proverba| |Citate sipas autorëve|

|Altruizmi-Egoizmi| |Arsimimi| |Art-Dhunti| |Besimi| |Dashuria| |Dashuria (II)| |Dashuria (III)| |Dashuria (IV)| |Dituria| |Drejtësia| |Edukata| |Ëndërrat| |Fëmijët| |Filozofia| |Fjalëbutësia| |Frymëzimi| |Gruaja| |Humori| |Imagjinata| |Inteligjenca| |Jeta| |Lakmia| |Lotët| |Lumturia| |Mali| |Mëdyshja| |Miqësia| |Mosha| |Motivimi| |Muzika| |Natyra| |Ndryshimi| |Nga-fëmijët| |Nga-Vizitorët| |Optimizmi| |Paqa| |Paragjykimi| |Qesëndi| |Rrena| |Skamja| |Vetitë| |Vjedhja| |Xhelozia| |Të-pandara|

 
____histori kombëtare, vështrime, debat, politikë, letra të hapura____ © Të gjitha të drejtat e rezervuara.
Copyright © 2007 [ http:// www. filolet.com ] Tous droits réservés.
Révision : 28 nov. 2012 14:06:32 +0100 .