Intervistë më Sofinë nga emisioni “Zonë e Lirë”

Përshëndetje Sofi dhe faleminderit që vendosët të jeni pjesë e kësaj interviste. Me lejoni të ju pyes, a është kjo intervista Juaj e parë për një medium nga Mali i Zi ?

Sofia: Përshëndetje Kristjan, po është hera e parë dhe po e jap me shumë kënaqësi, sepse realisht jam shumë e impenjuar në kohë, por për shqiptarët e Malit të Zi gjej gjithmonë kohë, a e dini pse ? – sepse të parët e mi kanë jetuar në Ulqin.

K.D : Ku është Sofia për momentin ?

Sofia: Momentalisht sapo jam kthyer në Tiranë pas disa udhëtimesh, punë të njëpasnjëshme, sepse me 12 shtatorë starton “Zonë e Lirë” dhe po merrem me pergaditjet e fundit.

K.D: Fama juaj është arritur përmes emisionit Zonë e Lirë. A mund të na e shpjegoni pak më mirë rrolin tuaj ?

Sofia: Në fakt, kam rreth 11 vjet në television, por si Sophie sigurisht përmes “Zone e Lirë”. Roli im është asistente e moderatorit të “ Zonë e Lirë” por ndryshme nga të tjerat unë jam asistente televizive.

K.D: Si filloi bashkëpunimi me Arianin ?

Sofia:  Bashkëpunimi me Arianin ka nisur 8 vite më parë, ku nga një televizion më kontaktuan për një reklame televizive, pasi shkova atje më ofruan të isha asistente televizive. Kështu reklama ra poshtë dhe pranova bashkëpunimin me Arianin.

K.D: Sofia kohëve të fundit provokon me foto që poston nëpër rrjete sociale. Si do e komentonit këtë ?

Sofia:  Provokime ? Hahha Kristjan, jo në fakt nuk ka qenë ky qëllimi im. Thjesht janë Photoshooting e mija të fundit , e pse mos ti publikoja.

K.D: Si është të punosh me Arianin ?

Sofia:  Me Arianin është kënaqësi dhe shkollë e mirëfilltë të punosh. Një gazetar i mirëfilltë që di si të pyes dhe është një njeri i jashtëzakonshëm, unik dhe i veçantë. Ska të dytë si Ariani.

K.D: Çfarë ndolle prapa skene? – Flasin të ftuarit me Arianin para se të fillojë emisioni ?

Sofia:  Prapa skene, çdo gjë mund të ndolle. Të ftuarit flasin vetëm me mua para emisionit. Ariani është në transmetim direkt, kështu që nuk kanë si të flasin. Unë bëj atë punë që Ariani nuk e bën dot duke qenë në transmetim live..

K.D: Keni pasur ndonjë incident gjatë emocionit, që ne nuk e kemi kapur ?

Sofia: Incidente ne si staf jo, pasi kemi 8 vjet live dhe jemi më se të pergaditur, por ndoshta tek të fituarit edhe ka pasur. Por s’mund të bëj publik emrat. Shikuesi i rregullt, mbase edhe i ka kapur..hahah

K.D: Përse të pëlqen deti kaq shumë ?

Sofia:  Deti është frymë për mua. E adhuroj. Jam edhe shenjë e detit, gaforre, ndoshta ekziston një lidhje nga kjo shenjë.

K.D:  A keni menduar ndonjëherë të largoheni nga “Zonë e Lirë” ?

Sofia:   Jo, kurrë. Sa të kem frymë do jem në “Zonë e Lirë”

K.D: Ditën që do largoheni nga “Zonë e Lirë”,me çfarë do merreni ?

Sofia:  Serish me “Zonë e Lirë”. Tashmë njihem si Sofi e “Zonës së Lirë” dhe nëse do beja një punë të dytë njëkohësisht, serish do quhesha Sofa.

K.D: Kur do jem mysafir në emisionin “Zonë e Lirë” ?

Sofia. “Zonë e Lirë” është i vetmi emision ku personazhet janë të lirë, ndaj jeni të mirëseardhur Kristjan.

K.D: E urreni dimrin ?

Sofia:  Nuk do thoja që e urrej, sepse çdo stinë ka bukurinë e dhe domosdoshmërinë e saj, por nëse do i rendisja sipas dëshirës sime, më shumë do ishin vera. I fundit dimri, hahaha. Besoj kuptohet sa më pëlqen.

K.D: Ujë apo vodka?

Sofia: Ujë padyshim. Pa të nuk do mundesha, pasi realisht konsumoj 7 litra në ditë Alkooli nuk më tërheq dhe nuk e pëlqej. Pyetja më e mirë do ishte: Ujë apo lëng frutash?- këtu do isha në dilemë..

K.D:  Kur do Ju shohim në Mal të Zi ?

Sofia: Këtë verë kam qenë në bregdetin e Ulqinit për disa ditë, por nuk rri dot pa vizituar bukurinë e vendit ku kanë jetuar të parët e mi. Në fund më duhet të të falënderoj Kristjan, për këtë intervistë dhe për mundësinë, që të jem më afër shqiptarëve që jetojnë në Mal të Zi.

Filozofi
 dhe
letërsi

histori
tradita
vështrime
debat

citate
intervista
letra të hapura
botime të reja