Russell lindi në Uells, nip i Kryeministrit (John Russell), Bertrandi konsiderohet themelues i logjikës moderne. Pas humbjes së hershme prindërve, ai gjen në matematikë mënyrën për të plotësuar mungesën e tyre dhe për fituar sigurinë e vete shpirtërore.

Para se gjithash Russell ishte logjicien dhe kështu bashkë me Alfred North Whitehead zhvillon një sistem të logjikës matematike të bazuar në një analizë abstrakte të të menduarit (1913). Betejat e tij për qetësi dhe objekcion dhe të ndërgjegjes e shtyjnë të lërë postin e tij të mësimdhënësit  në Trinity College e përpos kësaj ai edhe burgoset disa herë.

Russell i jepet filozofisë nën ndikimin e David Hume dhe George Edward Moore. Ndërtoi metodën e vet "atomizmin logjik" , metodë kjo, për analizimin e propozimeve komplekse duke bë  reduktimin e tyre në një sistem (atomist) propozimesh elementare. Pas përpjekjeve të pa suksesshme për të themeluar shkollë në Beacon Hill sipas bindjeve të veta mbi arsimimin, i jepet shkrimit si gazetar, shkrimtar dhe konferencier.

Mes viteve 1938 dhe 1944, Russell jep mësim në Shtetet e Bashkuara por i ndalohet mësimdhënia për shkak të pozitave të tij kundër fesë, për mbrojtjen e lirisë seksuale dhe për moskonformizmin e tij.

Me të këthyer në Angli, Russell kundërshton ashpër përdorimitn e energjisë bërthamore për qëllime ushtarake. Çmimi Nobel për Letërsi i vitit 1950, nuk ndalet para pengesave për të vazhduar betejën e tij kundër Luftës së Vietnamit, për të cilën krijoi bashkë me  Jean-Paul Sartre "gjykatën ndërkombëtare" kundër krimeve të luftës). Ai madje, në moshën 89 vj. u ndalua gjatë një demonstrate kundër bombës atomike.

I talentuar dhe i shumanshëm, Bertrand Russell arrin rezultate si filozof, epistemologjist, moralist dhe polemist. Në frontin politik, është aktivist i krahut të majtë, angazhohetr për humanizëm, paq, mendim të lirë, antikomunist që nga udhëtimi e tij në BRSS në vitin 1920, Ka bindjet e veta socio-liberale që i afrohen anarkizmit.

Disa nga veprat:

    Problemet e Filozofisë (1912)
    Principia Mathematica (me A. N. Whitehead, 1913)
    Kah liria: socializmi, anarkia dhe sindikalizmi (1918)
    Hyrje në filozofinë e matematikës (1919)
    ABC-ja e Relativitetit (1925)
    Ajo që unë besoj (1925)
    Pse unë nuk jam i krishter (1927)
    Sjelljet (Doket) dhe parimet e moralit (1929)
    Martesa dhe morali (1932)
    Pushtimi i lumturisë (1930)
    Edukata dhe rendi shoqëror (1932)
    Historia e filozofisë perëndimore (1946)
    Njohuria e njeriut, qëllimi dhe kufijtë e saj (1948)
    Ndikimi i shkencës mbi shoqërinë (1952)
    Feja dhe Shkenca (1957)

Përktheu dhe adaptoi: Filolet

Filozofi
 dhe
letërsi

histori
tradita
vështrime
debat

citate
intervista
letra të hapura
botime të reja